Градоначалникот на општина Гевгелија Сашо Поцков, во пресрет на Новогодишните и Божикните празници на сите 210 првооделенци во основните училишта во општина Гевгелија им додели новогодишни пакетчиња. Подароците на првооделенците во ООУ„Владо Кантарџиев“ во Гевгелија им беа доделени по новогодишната приредба

што беше организирана во ова училиште. Учениците од ООУ„Владо Кантарџиев“ со песни, музика и игра го пречекаа Дедо Мраз, а на своите другарчиња во првите одделенија им посакаа успешно школување.
Новогодишни средби и приредби беа организирани и во другите три основни училиште, во ООУ„Крсте Мисирков“ во Гевгелија, како и во ООУ„Ристо Шуклев“ во Негорци и ООУ„Климент Охридски“ во Миравци. Градоначалникот Поцков на првачињата, покрај новогодишните пакетчиња, им посака весело детство, но и вредно учење и почитување на другарството