Се било само еден мрсен сон,

разбраа гевгеличани од крајот на театарската претстава „Како да (не) снимиш мрсен филм“ на Театарот при ЈОУ Дом на култура „Иван Мазов- Климе“ од Кавадарци. Покрај комичните и конфликтните ситуации во едно семејство и другарство изнесени од повеќето актери, „сочниот“ кавадаречки дијалект беше причина плус публиката во Салата на Народниот театар да се насмее од срце. Класична експозиција, напнат заплет, тешки кулминација и перипетија и лесен расплет се драмските етапи во адаптираното сценарио на претставата.

           Режијата на комедијата „Како да (не) снимиш мрсен филм“ е на Диме Коцевски, а сценографијата на Диме Темков. Улогите ги толкуваат: Видан Станоев, Александар Видиков, Саше Орешков, Надица Ангелкова, Кристина Јованова, Деан Атанасов, Сијче Трајкова, Никола Деков и Диме Коцевски.