Во

Народниот театар- Гевгелија, за учениците од основните училишта беше организирана едукативна и инерактивна работилница „Фамилија Металковци“ за запознавање со музичките и техничките карактеристики на лимените дувачки инструменти. Работилницата ја организираше ЈОУ Дом на култура „Македонија“- Гевгелија во соработка со Македонската филхармонија.
          Учениците имаа можност да чујат изведби на познати композиции од Дизни цртаните филмови, а и одблиску да се запознаат со лимените дувачки инструменти. Се со цел да се едуцираат и да им се всади интересот за нивно изучување преку претставување на инструментите и изведби на кратки делови од класички соло и оркестарски делници и мелодии од различни музички стилови (џез, народна музика, филмска музика) како би се прикажал тонот и музичките стилови кои можат да бидат изведени на овие инструменти.
          „Фамилијата Металковци“ ја сочинуваат: Стефан Илиев (труба), Горан Арменски (труба), „Благоја Василевски (хорна), Никола Ристовски (тромбон) и Алекса Ниниќ (труба).