Домот

на културата „Македонија“- Гевгелија, по повод 7 Ноември, Денот на ослобдувањето на Гевгелија, пред почетокот на Свечената седница и по седницата, на 7 ноември, 2020 година,  ја збогати пригодната програма со нумери на чалгиска музика во изведба на новоформираниот Ансамбл „Чалгија“ при Домот на културата. 

           Со репертоарот од песните: „Ој Ѓорушице“, „По друм одам мајче“ и ората: „Невестинско венчално“ и „Пембе оро“ беше претставен секстетот при Ансамблот. Покрај музиката, присутните можеа да уживаат и во малата етнолошка поставка со 4 комплетни женски носии од етничките предели: Скопска Црна Гора, Скопска Блатика,  Мијаци Азот и Мегленски Власи од Бојмија:  и предмети од традиционалната култура, меѓу кои и добро познатиот традиционален ударен инструмент тапан.