Тројца атлетичари од

гевгелискиот Атлетски клуб „7 Ноември“ го заземаа своето место на подиумот на најдобрите после постигнатите резултати на Трките во Кукуш. На натпреварите во двете трки: „Патот на хероите на Кукуш, 10,5 к,м“ и „Здравствен пат 4,8 км“, Тодор Анчев и Атанас Епов го освоија Првото место. Додека, Ристо Чалков го освои Второто место на трката со патека во должина од 4,8 километри. Солидни резултати во двете трки постигнаа и Стојан Делев и Никола Ковачев, кои го заземаа Четвртото место.
           Двете трки и Детската трка се во организација на Здружението на здравствени тркачи од Кукуш, кои имаат една единствена цел- заедничко дејствување во зајакнување на односите меѓу атлетичарите, пријателите на спортот, зајакнување на чувството за солидарност и општествена одговорност, како и поттикнување на интересот за трчање и вежби кои го одржуваат физичкото и менталното здравје, а придонесуваат за подобрување на благосостојбата и квалитетот на животот.