Пред

платото на Народниот театар, на отворено, во вечерните часови, гевгеличани уживаа во актерската игра на Оливера Аризанова со монодрамата „Таа“ при НУКЦ „Антон Панов“- Гевгелија. Уште еден настан во организација на Домот на културата „Македонија“- Гевгелија што го запиша во својата листа на организирани настани за време на Корона-пандемијата. 

          - Монодрамата „Таа“, во изведба на Оливера Аризанова, при Народниот театар при НУЦК „Антон Панов“ од Струмица ја држеше публиката будни цел час и половина, со доза хумор и сатира. Воедно го врати интересот за посета на културни настани кај гевгеличани. Дом на култура продолжува со културните активности и во наредниот период, истакнаа од Домот на културата „Македонија“- Гевгелија.

          Актерката Оливера Аризанова, задоволна од гостопримството, се заблагодари на Домот на културата што и овозможи повторно да игра пред публика откако во изминативе месеци не се играа претстави во театрите поради Корона-пандемијата.

          Монодрамата го обработува прашањето за статусот на балканската жена? Задоволна ли е од животот и дали го има зачувано чувството за хумор или напротив? Монодрамата „Таа“ ја допира севкупната слика за жената на Балканот.

          „Засега Таа на Балканот не е променета. Некои жени имаат подобри работни места и состојбата им се подобрува, но повеќето се принудени да бидат само домаќинќи кои готват. Нема разлика помеѓу македонската и бугарската жена. Во тој смисол и Црногорките, Туркините… си личат едни на други.“ - вели актерката Оливера Аризанова. Потенцира дека балканските жени треба да се сакаат повеќе, затоа што тоа е единствениот начин за и другите да ги сакаат повеќе. Жените треба да имаат поголема улога во општеството.