Годинава,

членовите на  планинарскиот спортски клуб „Кожуф“ од Гевгелија ја започнаа со искачување на Чичи Каја,  планински врв во средишниот дел на планината Кожуф, сместен над туристичкото место Смрдлива Вода. На 2 јануари, 2021, година, традиционално, како и секоја година, 25 члена од клубот тргнаа од местото Асан Чешма кое беше стартна позиција за оваа маршута до врвот Чичи Каја, која е една од најлесните патеки на Кожуф планина со вкупна должина во двата правци од 5.5 км.

            Претседателот на Клубот, Ристо Каркалашев, кој, воедно, беше и водич на оваа акција заедно со членот на Клубот, Дејан Атанасовски, отворија шампањско, со што планинарите наздравија и си посакаа пред се здравје и успешна година со многу реализирани планинарски акции, во кои ке се искачат многу планини и планински врвови. По искачувањето, планинарите направија уште една кратка акција искачувајќи се до водопадот кој се наоѓа во близина и е одалечен само 650 м од Смрдлива Вода.

            Втората акција, ПСК „Кожуф“ ја реализираше на 9 јануари, 2021 година, на маршутата Асан Чешма- врв Двете Уши, висок 1766 метра.