По успешното

претставување на Интернационалниот натпревар во Белград, Танцовото студио „Мистик“ од Гевгелија се враќа со нови освоени награди од учеството на Меѓународниот натпревар „Салоника опен“ во Солун. Имено, Мистик-членовите ги постигнаа следниве резултати: прво место во категоријата „Хип-хоп мега група“, трето место во категоријата „Јуниори хип-хоп“, влез во финале за Меглена и Марија Аблакова и второ место за Елена Симјановска во категоријата „Деца соло хип-хоп“, прво соло учество за јуниорите Јагода и Михаела, и трето и петто место за Данче и Петја во категоријата „Хип-хоп младинци“.
            Задоволен од успешното претставување на Солунскиот меѓународен натпревар, раководителот Александар Аврамов истакна дека успехот на „Мистик“ е резултат на континуираната работа, но и на талентот и трудот на членовите кои несебично се залагаат да ја претстават општина Гевгелија и државата во најдобро светло помеѓу танцовите студија од другите градови и земји.