Здружението

на граѓани Навивачки клуб „Фантоми Север“- Гевгелија објави Повик за пријавување учество на екипи во мал фудбал на Меморијалниот турнир, посветен на Никола Гелебешев. Повикот е отворен до 12 јули 2023 година за младински категории- генерации од 2005 до 2008 година и млади пионири- генерации 2009/2010, 2011/2012 и 2013/2014 година, со плаќање котизација за учество на екипа во висина од 1.000 денари. Пријавувањето може да се изврши преку телефонскиот број: 077 709 633 или официјалниот Фејсбук-профил на Фантоми Север.
            1. Mеморијален турнир во мал фудбал, во организација на Навивачкиот клуб „Фантоми Север“- Гевгелија, а со поддршка од Општина Гевгелија преку Програмата за финансиска поддршка на спортските активности за 2023 година, ќе се одржи во периодот од 14 до 30 јули 2023 година, на спортското игралиште кај ДТВ „Партизан“- Гевгелија.
             - Со огромно задоволство ви најавуваме дека на 14.07.2023 започнува Меморијалниот турнир во мал фудбал во чест на гевгелиската голманска и тренерска легенда Никола Гелебешев. Да ги растрчаме младите таленти од Гевгелија и околината во негова чест бидејќи тоа е нешто што него најмногу го исполнуваше. Ги повикуваме сите заинтересирани да се пријават, велат организaторите, најавувајќи и наградни фондови, медали, пехари, поединечни награди за најдобар стрелец, најдобар голман и најдобар играч во сите категории.