Гевгелија наскоро ќе добие нови контејнери за стаклен отпад од 1,5 метар кубен. Станува збор за 20 пластични зелени контејнери од 1,5 метар кубен, тип-игло, кои се наменети исклучиво за собирање стаклен отпад. Контејнерите се донација од „Пакомак“ ДОО Скопје за општина Гевгелија, како резултат на досегашната успешна соработка со ова друштво.

Контејнерите за собирање на стаклен отпад од страна на ЈПКД„Комуналец“ ќе бидат поставени на неколку локации во градот. Со тоа всушност продолжува акцијата за рециклирано собирање на отпадот. Во Гевгелија веќе се поставени на одделни локации контејнери за хартија, пластика и друг комунален отпад.