Во пресрет на Новогодишните празници во

Пионерскиот дом во Гевгелија отворена е Новогодишна изложба на Детската ликовна работилница, која работи во составот на оваа установа. На оваа изложба се застапени детски цртежи од различни возрасти создадени во различни сликарски техники, се со акцент на базично запознавање и совладување на ликовните елементи и принципи. Застапен е акварелот, температа, колажот, гвашот и неколку експериментални техники имајќи предвид возраста на учесниците во изложбата.
Ликовната работилница при Пионерскиот дом Гевгелија активно работи од декември 2015 годинапод менторство на м-р Мирјана Крстева Массетти. Во текот на нејзиното работење забележуваме континуитет во работата што резултира со финални изложби на крајот од годишните квартали.