На 18 јуни, 2020 година,

со почеток во 20 часот, ќе се одржи онлајн- Годишна изложба на Ликовната работилница при Пионерски дом- Гевгелија. Настанот ќе може да се проследи на официјалниот Јутјуб-канал на Пионерскиот дом.

            Станува збор за видео-изложба, сублимат од ликовни дела и изработки во текот на учебната година, односно детски цртежи од различни возрасти со различни техники на сликање како: акварел, темпера, колаж, гваш и неколку експериментални техники имајќи ja предвид возраста на учениците кои се дел од Ликовната работилница, под менторство на ликовниот уметник, м-р Мирјана Крстева Массетти. 

            - Со оваа петта по ред Годишна изложба на Ликовната работилница, обележуваме еден јубилеј на многу насмевки, задоволство, активно работење и творење, создавање  бои и звуци кои го дефинираат детскиот имагинарен свет. Иако во поинакви услови, ќе успее да ве допре талентот на 20 млади ликовни уметници кои неуморно твореа и во услови на пандемија, работејќи од дома. Чест и задоволство ми е што имам привилегија да работам со иднината, а тоа се вашите деца, истакна м-р Мирјана Крстева Массетти.