ЈОУ

Библиотека „Гоце Делчев“- Гевгелија денеска (5 јули, 2021 година), организира промоција на книгата "LUNA 2" од младата авторка Викторија Јованова. Промоцијата ќе се одржи пред Народниот театар, со почеток во 19:30 часот. Промотор ќе биде Маре Брзанова, а за музичкиот дел ќе се погрижат учениците од ООМУ „Васо Карајанов“- Гевгелија. Промоцијата ќе биде на македонски и англиски јазик.

            Авторката, Викторија Јованова е родена на 20.01.2006 год. во Гевгелија. Заврши основно образование во ООУ „Владо Кантарџиев“- Гевгелија. Таа пројавува голем интерес за пишување и цртање уште како мала. Нејзината голема љубов кон коњите и е основна мотивација за пишување на книгата „ЛУНА“. По успешното издавање на првата книга „ЛУНА“ продолжува со вториот дел од трилогијата „ЛУНА 2“. Покрај трилогијата „ЛУНА“ ги пишува и книгите „His Cardigan” и „Take my Hand”, исто така на англиски јазик, објавени на страната за книги Wattpad.