Во Пионерскиот дом во Гевгелија за сите почетници,

ентузијасти и љубители на фотографијата, се одржува бесплатна тридневна работилница за експериментална фотографија под менторство на фотографот Димитар Новаков. На работилницата, како што информираше Димитар Новаков, учествуваат дванаесет заинтересирани љубители на фотографирањето, кои ќе може да ги научат техничките карактеристики и опремата за фотографирање, основите на фотографијата, композиција,пејсажна, улична и ноќна фотографија а ќе се изведат и теренски вежби.
Вакви работилници е предвидено да се организираат неколку пати во годината.