Во посета на градоначалникот беа 70 третоодделенци од ООУ „Владо Кантарџиев“- Гевгелија,

во рамки на предметот Општество, за наставната единица „Запознај ја Локалната самоуправа“. Во големата сала, учениците поставуваа прашања поврзани со методската единица.

              Најмногу се интересираа за поставеноста на Општината, начинот на работа на градоначалникот и Советот на општината, а нивните прашања се однесуваа на изградба на базен и детски паркови. Градоначалникот ги запозна учениците со неговата работа, работата и фунционирањето на Општината. Го посетија неговиот кабинет, работните простории, а на крајот средбата ја оковечија со заеднички фотографии. Со посетата и разговорот, учениците успешно ја совладаа новата наставна единица со помош на градоначалникот Сашо Поцков.