По вчерашното евидентирање

од страна на Министерството за здравство дека во Гевгелија има заболено ново лице од Корона вирусот, епидемиологот од Центарот за јавно здравје ПЕ- Гевгелија, д-р Сашко Олумчев, информираше дека  тестираното лице во Скопје не е од општина Гевгелија, туку од општина Богданци, од населеното место Стојаково, a при евиденцијата се работи за ненамерна грешка.

             На листата со заболени, Гевгелија останува само со двете лица кои беа евидентирани на 6 јуни, 2020 година.

             Д-р Сашко Олумчев апелираше до граѓаните за доследно почитување на мерките:

             - Апелирам до граѓаните доследно да се придржуваат на мерките за лична заштита, пред се: миење на рацете, носење на заштитна маска и ракавици доколку престојуваат во затворени простории, одржување на пропишаната социјална дистанца. Доколку правилно се почитуваат овие мерки од страна на секој граѓанин и можноста од заразување од Корона вирусот ќе биде помала.