Заврши првиот уписен рок

за запишување ученици во прва година во СОУ „Јосиф Јосифовски“- Гевгелија. Во првиот уписен рок, конкурирале вкупно 164 ученика, од кои се запишале само 145 исполнувајќи ги критериумите за образовните профили. Од вкупно 374 слободни места, за вториот и третиот уписен рок остануваат 229 слободни места.

            По образовни профили/струки, за гимназиско образование од вкупно 170 места: конкурирале 73, се запишале 64, а остануваат слободни 106 места; за хотело-туристичка струка oд вкупно 34 слободни места: конкурирале 34, се запишале 29, а остануваат 5 слободни места; за готвачи од вкупно 34 слободни места: конкурирале 9, се запишале 9, а остануваат 25 слободни места; за келнери од вкупно 34 слободни места: конкурирале 10, се запишале 10, а остануваат 24 слободни места; за економската струка од вкупно 34 слободни места: конкурирале 17, се запишале 16, а остануваат 18 слободни места, за машинската струка од вкупно 34 слободни места: конкурирале 19, се запишале 15, а остануваат 19 слободни места и за автомеханичарска струка од вкупно 34 слободни места: конкурирале 2, се запишале двајца, а остануваат 32 слободни места.

            На територија на општина Гевгелија, во учебната 2019/2020 година од вкупно 185 ученика кои завршиле основно образование (во ООУ „Крсте Мисирков“ 71, во ООУ „Владо Кантарџиев“ 84, ООУ„Климент Охридски“- Миравци 14 и ООУ „Ристо Шуклев“- Негорци 16), само 106 ученика се запишале во СОУ „Јосиф Јосифоски“- Гевгелија (од ООУ „Крсте Мисирков“- Гевгелија 44, од ООУ „Владо Кантарџиев“- Гевгелија 47, од ООУ „Климент Охридски“- Миравци 9 и ООУ „Ристо Шуклев“- Негорци 6), а 39 ученика од другите општини во регионот.

            Термините за вториот уписен рок се на 24 и 25 јуни, 2020 год, а резултатите од запишувањето и слободните места ќе се објават на 26 јуни 2020 год. Третиот уписен рок е на 29 јуни, 2020 год., а резултатите од запишувањето и слободните места ќе се објават на 30 јуни 2020 год.