Oпштина Гевгелија организира повторена јавна презентација

и јавна анкета за измена и дополнување на Урбанистички план за село Прдејци, општина Гевгелија- блок 4, плански период 2018-2028. Повторената јавната презентација со стручно презентирање на измена и дополнување на Урбанистички план за блок 4, с. Прдејци, општина Гевгелија, ќе се одржи во Големата сала на Народниот театар во Гевгелија, на 9.11.2020 година (понеделник), со почеток во 11:00 часот, согласно мерките за заштита од Корона вирусот.

           Измените и дополнувањата на Урбанистички план ќе бидат изложени во просториите на Одделението за урбанизам, градежништво, архитектура и заштита на животната средина на Општина Гевгелија и повторената јавната анкета ќе трае 5  работни дена, односно од 9.11.2020 до 16.11.2020 година, секој работен ден од 08 до 16 часот.

           Измена и дополнување на Урбанистички план за с. Прдејци, општина Гевгелија- блок 4, плански период 2018-2028 зафаќа површина од 2,52 ха. Границата на опфатот е: на западната страна се движи ппо осовината на улица Н 6 која минува низ КП1201, КП 1202, КП 1203/1 , КП 1206/1, КП1206/2, КП1207/4, КП1207/2, КП1207/5 И КП1207/3. На источната страна се движи по осовина на улица М1 (Регионален пат 1102), а на северната страна се движи по осовина на улица Н3 која минува низ КП1199/2. Во опфатот нема постоечки улици.

           Во спомнатиот рок, заинтересираните граѓани и правни лица од конкретното подрачје опфатено со планот можат да доставуваат писмени забелешки, предлози и мислења на анкетните листови кои можат да ги подигнат во Одделението за урбанизам, градежништво, архитектура и заштита на животната средина при Општина Гевгелија или преку информацискиот систем е-урбанизам.