Денес градоначалникот на Општина Гевгелија Андон Сарамандов

оствари средба со досегашниот градоначалник Сашо Поцков во градоначалничкиот кабинет. На средбата Поцков на новоизбраниот градоначалник Сарамандов му честита за изборот и му посака успешна работа. Истовремено, го информираше за тековните активности во Општината, како и проекти во фаза на реализација.

Градоначалникот Андон Сарамандов се заблагодари на честитката и притоа нагласи дека пред општината стојат повеќе предизвици, но, и негова подготвеност за целосна ангажираност во интерес на граѓаните. Исто така, најави реализација на повеќе проекти, кои значително ќе го подобрат квалитетот на живеење во Општина Гевгелија.