Излезе од печат 93 издание на месечникот „Гевгелиски магазин“

што го издава Општина Гевгелија. Во него се поместени повеќе актуелни содржини за изминатите Локални избори и за тековни активности, за работата на новоформираниот Совет на Општина Гевгелија, како и проекти кои започнуваат или се во фаза на реализација.
            Во месечникот е и првото интервју со градоначалникот на општина Гевгелија, Андон Сарамандов, по неговиот избор за Градоначалник, во кое се осврнува на повеќе прашања и активности што претстојат. Исто така, „Гевгелиски магазин“ донесува и разговор со Илија Атанасов, диригент на хорот „Гортинија“, кој прослави 25-годишен јубилеј и бележи извонредни резултати. Покрај ова, во „Гевгелиски магазин“ можат да се најдат и повеќе информации за културните настани и редовните рубрики за младите и спортот.