Во Гевгелија, започна изградбата на улицата „Драгослав Ортаков“,

во должина од 400 метри. Градоначалникот на општина Гевгелија, Андон Сарамандов, изврши увид на почетокот на градежните работи за изведба на долен строј, асфалтирање и поставување рабници. Според него, по донесувањето на Урбанистичкиот план за Блок 4.4, се наметна потребата за изградба на оваа улица, имајќи предвид дека се поврзува со улицата „Кожув“ и се наоѓа во близина на Детската градинка „Сончогледи“.
            Притоа, градоначалникот Сарамандов ја најави и изградбата на улицата „Кожув“ по завршувањето на изведбените работи за реконструкција на фекалната канализација и изградбата на новата атмосферска канализациона мрежа. Со што ќе се решат долгогодишните проблеми на жителите во немањето соодветни услови за пристап до патна инфраструктура и отежнатото одвивање на сообраќајот, како и соодветна комунална инфраструктура.