На 28. седница, Советот на Општина Гевгелија

донесе повеќе одлуки и решенија. Имено, на вчерашната седница, Советот на Општина Гевгелија донесе Одлука за сопствено учество на Општина Гевгелија во реализација на Проект: „Иновативен тренинг HUB- вештини на иднината“, со којшто СОУ „Јосиф Јосифовски“- Гевгелија аплицираше на Јавниот повик на Регионалниот фонд. Исто така, донесена е и Одлуката за одобрување субвенции за набавка на велосипеди, со средства од Буџетот на Општина Гевгелија за 2023 година.
            Советот разреши стари и именува нови членови во Локалниот младински совет на Општина Гевгелија и Комисијата за процена и утврдување на висината на штети од елементарни непогоди во општина Гевгелија, како и со Одлука го формираше Локалниот совет за превенција на јавната безбедност и безбедноста на сообраќајот на патиштата во општина Гевгелија. Предмет на расправа беше и давањето под закуп и отуѓување на неколку објекти во сопственост на Општина Гевгелија и прифатени иницијативи за изработка и донесување на Урбанистички проекти.
             Покрај овие точки, поминаа и измената и дополнување на Одлуката за определување на зони за зонско паркирање на подрачјето на град Гевгелија, Финансовиот план за 2023 година на СОУ „Јосиф Јосифовски“- Гевгелија за планирани приходи и расходи за сметка 7150102249785XХ и Статутарната одлука за измена и дополнување на Статутот на ЈПКД „Комуналец“- Гевгелија.
             Советот на Општина Гевгелија донесе Заклучок за прифаќање на барањето од страна на Здружение за граѓани со дијабетес за општините Гевгелија, Богданци и Дојран за поднесување иницијатица за измени на позитивните законски прописи од областа на здравството. Односно, овозможување набавка за најнова техничко-технолошка опрема- медицински помагала за подобрување на третманот и лекувањето на лица со хронично еднокрино заболување- Дијабетес мелитус 1, како ЦГМс- системи за континуирано 24-часовно следење на гликемијата и инсулински пумпи.
             28. седница на Советот на Општина Гевгелија заврши со Информации за состојбата со јавното осветлување и јавниот превоз на патници во општина Гевгелија.