Согласно конечната ранг- листа на запишани ученици

во прва година средно образование, од септември, во СОУ „Јосиф Јосифовски“- Гевгелија, настава ќе следат 204 ученика. Од нив, 87 се определиле за гимназиско образование, а 117 за стручно образование. Од 87 ученика, 25 се насочиле кон изучување на општествено- хуманистичките предмети (комбинации А и Б), од кои 9 за следење билингвална настава на македонско- англиски јазик, а 16 за настава на македонски јазик. Кон изучување на природно- математичките предмети (комбинации А и Б) се насочиле 62, од кои 34 за следење билингвална настава на македонско- англиски јазик и 28 за следење настава на македонски јазик.
             Од 90 запишани во 4- годишно стручно образование, 25 се одлучиле за стекнување квалификација за хотелско- туристички техничар, 24 за машински техничар за моторни возила, 7 за физиотерапевтски техничар, 9 за гинеколошко- акушерска сестра, 11 за бизнис- администратор и 14 за економски техничар.
             За тригодишно стручно образование се определиле 27 ученика, од кои 7 ќе се стекнат со квалификација за автомеханичар / заварувач, а 20 за келнер / готвач.