Центарот за развој на Југоисточниот Плански Регион

ќе аплицира за отворање Музеј на доживувањата во Гевгелија со Проектот: „ Почуствувај го регионот- Музеј на доживувањата“ на отворениот Јавен повик за предлог- концептни идеи во рамки на InterregИПА Програмата за прекугранична соработка помеѓу Бугарија и Македонија 2021-2027. Аплицирањето е во партнерство со Асоцијацијата на Југозападни општини, Благоевград, Р. Бугарија и опфаќа отворање Музеј во Гевгелија, во којшто ќе бидат презентирани туристички понуди, експонати, знаменитости и производи во зависност од желбите и можностите на општините од Југоисточниот Регион, согласно специфичната цел во објавениот повик- развој на туризмот со помош на паметни решенија кои обезбедуваат универзален пристап и учество.
            За таа цел, на последната 29. седница, по иницијатива на ЦРЈИПР, Советот на Општина Гевгелија, донесе Одлука за давање на времено користење деловен простор без надомест во рок од 5 години. Согласно Одлуката на Советот, доколку биде одобрен Проектот, Музејот ќе се отвори во старата зграда на РТГ, на Градскиот плоштад.
             - Во рамките на овој предлог концепт, се планира да се создаде Mузеј во Гевгелија во веќе постоечка зграда на Oпштината, која ќе биде реконструирана и адаптирана за потребите на музејот. Покрај реконструкцијата, ќе се набави и соодветна опрема и целосен ентериер за објектот, со цел да се добие еден комплетен музеј за сетилата, нов туристички производ и комплетно нова идеја во нашиот регион, нашата држава и пошироко. Планирано е да се направи и мал дел за дегустација каде при одржување на некои настани или презентации, општините, организациите и компаниите од регионот ќе може да ги презентираат своите проекти и производи, истакна директорот на ЦРЈИПР, Ѓоко Камчев, во образложението пред членовите на Советот на Општина Гевгелија.