Општина Гевгелија и Институтот за европско образование,

социјално-културни и економски политики „Европа за тебе“ од Скопје потпишаа Меморандум за соработка за спроведување истражување, креирање и развој и промоција на европското образование, социо-културни и економски политики. Ваквата заедничка цел и соработка ќе се остварува преку аплицирање и учество во проекти за унапредување на едукативните, економските и социо-културните услови во нашата земја. И тоа, преку организирање на заеднички работилници, тркалезни маси и семинари, како и објавување на печатени и електронски публикации.