Вечерва Годишен концерт ќе одржи музичкиот дел на ООМУ„Васо Карајанов“. На овој традиционален концерт ќе настапат дваесеттина наградени ученици на повеќе домашни и странски натпревари, како и успешни ученици, кои ќе изведат светски познати дела на виолина, флејта и пијано.

Концертот ќе се одржи во Народниот театар во Гевгелија, со почеток во 20 часот.

Со овој концерт продолжува одбележувањето на 40.годишниот јубилеј на ООМУ„Васо Карајанов“. Општинското основно музичко училиште во Гевгелија е основано со акт на Собранието на општина Гевгелија, на 5 октомври 1978 година.