По повод 40 годишниот јубилеј, ООМУ„Васо Карајанов“ во Гевгелија на 3 ноември 2018 година, во сабота, ќе одржи Свечен концерт.

Концертот по повод јубилејот се совпаѓа и е дел од прославата на Денот на ослободувањето на Гевгелија-7 ноември.

На концертот ќе настапат сегашните, но и поранешни ученици на ова музичко училиште, кои се веќе афирмирани музичари во земјата и странство. Така, пред гевгелиската публика, покрај другите ќе настапат и пијанистите Глигор Гелебешев, Никола Стојменов и Теодора Атанасова. Покрај солистите на пијано, виолина и флејта, на концертот ќе настапат и балерините на V и VI одделение од балетскиот оддел на ова училиште.

Концертот ќе се одржи во Народниот театар со почеток во 19.30 часот.