На  10 Меѓународен турнир во Нова Градишка учествуваа 350 учесници,

односно 16 машки и 10 женски екипи, од Република Хрватска, Словенија, Македонија, Србија и БИХ. Учество земаа и ветеранките од ЖРК „Југ“- Гевгелија кои успешно го презентираа гевгелискиот ракомет на овој престижен турнир.

            - Спортот не знае за граници, а водечки принцип на овој турнир беше и ќе биде да се промовира спортот и пријателството, но и другарството на спортистите и човечноста што нив ги поврзува. На тој начин, ние ги прошируваме пријателствата и го промовираме нашиот град во областа на спортот, изјавија ракометните ветеранки.