По

повод одбележувањето 250 години од раѓањето на композиторот Лудвиг Ван Бетовен, во организација на Домот на културата „Македонија“- Гевгелија и ООМУ „Васо Карајанов“- Гевгелија, денеска, во Малата сала на Народниот театар, со почеток од 19 часот, ќе се одржи концерт на класична музика.

            Пијано триото составено од Весна Ангелова Христов- пијано, Момчило Кофојанакис- виолина и Марјан Ивановски- виолончело ќе се претстават со компонирани дела од Бетовен. Концерот ќе се организира со почитување на заштитните мерки од Корона вирусот и протоколите за организирање настани.