Утре,

28 декември, 2020 година, Ликовната работилница при Пионерскиот дом- Гевгелија ќе ја одржи „Новогодишната изложба“, на која ќе бидат претставени делата на најмладите гевгелиски, ликовни уметници, под менторство на м-р Мирјана Крстева Массетти, истакнат ликовен уметник. Поради пандемијата од КОВИД-19, изложбата ќе биде онлајн. Гевгеличани ќе имаат можност да ја проследат изложбата на официјалниот YouTube-канал, со почеток од 18 часот.

            - Оваа изложба е сублимат на дела во различни техники, на деца- членови на Ликовната работилница при Пионерскиот дом- Гевгелија кои, всушност, се иднината на гевгелиската ликовна уметност, истакна раководителот на работилницата, Крстева-Массетти.