Покрај главното новогодишно украсување на градот кое е во тек,

на градското шеталиште е поставена новогодишна елка со лампиони, на кои се испишани симболични пораки. Општина Гевгелија ја поддржа иницијативата на младите волонтери во Општинската организација на Црвен крст- Гевгелија, украсувајќи ја заеднички елката на градскиот плоштад. Имено, целта на ова дополнително новогодишно украсување е да прерасне во традиција под мотото „Елка на желбите“ .
            Како што истакнаа претставниците од Клубот на младите, новогодишната еуфорија носи среќа и радост на сие лица, а испраќањето на заеднички пораки со желби за повеќе здравје, среќа и мотивација ќе придонесат за разубавување на животот.