На вчерашната крводарителска акција на хотел „Фламинго“,

во соработка со ОО Црвен крст- Гевгелија, се собраа 56 единици крв. Во периодот од 10:00 до 15:00 часот, во просториите на хотел „Фламинго“, покрај вработените, крв даруваа и граѓани од општина Гевгелија. Во успешното спроведување на оваа крводарителска акција учествуваа волонтерите од Клубот на млади и Институтот за трансфузиона медицина. Сите крводарители добија симболични подароци, изработени од младиот волонтер на ОО Црвен крст- Гевгелија, Памела Петровска, во знак на хуманиот гест. Од страна на ОО Црвен крст- Гевгелија, хотел „Фламинго“ доби благодарница за покажаната општествена одговорност и несебичната поддршка и помош во развој на хуманитарната акција.
           Oваа, втора по ред, крводарителска акција на хотел „Фламинго“, на која за првпат учествуваа и граѓани од општина Гевгелија, покрај вработените, има за цел да стане традиционална, за спасување на нечиј живот.