Општинскиот противпожарен сојуз на Гевгелија му додели Благодарница

на градоначалникот на општина Гевгелија Сашо Поцков за особен придонес во унапредувањето на пожарникарството во општина Гевгелија. Благодарницата му ја врачи претседателот на сојузот Мито Карамитров, кој притоа го нагласи значењето на поддршката од општината за остварувањето на една ваква општествено одговорна задача. Истовремено, ги посочи активностите на Општинскиот противпожарен сојуз кој се насочени кон едукација на населението, поточно, на сите граѓани, вклучувајќи ги и најмладите, за противпожарна заштита. Од тоа многу зависи и подготвеноста за справување со огнената стихија.
Градоначалникот на општина Гевгелија Сашо Поцков ги поздрави активностите досега организирани од Општинскиот противпожарен сојуз на Гевгелија, бидејќи резултатите се се поочигледни. Како општина, подеднакво настојуваме да ја опремиме и екипираме професионалната противпожарна единици, но, паралелно ги поддржуваме активностите на противпожарните сојузи. Бидејќи со своите активности значително придонесуваат за превентивно спречување на пожарите, истакна Поцков.