По повод Проектот на УСАИД за меѓуетничка интеграција на младите во образованието

спроведен од страна на Македонски центар за граѓанско образование, се одржа дводнева Работилница за поддршка на училишните секции и јакнење на соработката помеѓу општините и училиштата за поддршка на Младински иницијативи, во Скопје.

            Во изборот на училиштата за секции во 10 училишта се најде и СОУ „Јосиф Јосифовски“- Гевгелија меѓу основните и средните училишта од: Тетово, Пробиштип, Струга, Свети Николе, Прилеп, Долнени, Велес, Врапчиште и Кавадарци.  Беа поканети по двајца учесници од општините одговорни за образование кои беа директно вклучени во изработката на Општинската стратегија за МИО и младинско учество, како и по двајца претставници од тимовите за училишна интеграција.

            На оваа Работилница се разговараше за улогата на Општината, важноста на секциите во имплементација на заедничките ученички активности за МИО и младинско учeство,  планирање и реализирање на активности и дефинирање на приоритетите во соработката училишта- Општина- бизнис-заедница.