Започна реализацијата на Проектот  „Изградба на 14 пливачки базени“

којa ќе се одвива во две фази. Во првата фаза покрај Тетово, ќе бидат опфатени општините: Кичево, Битола, Штип, Кисела Вода и Ѓорче Петров. Предвидено е базенот да биде изграден за 18 месеци, а локацијата ја обезбеди Општина Тетово.

            Во втората фаза базени ќе се градат во: Аеродром, Чаир, Карпош, Струмица, Гевгелија, Неготино, Прилеп и Кавадарци. Процедурата и постапката за нивната изградба ќе започне по завршувањето на изборите, а целосната изградба ќе биде во 2021 година.

             - Со тоа ќе ја затвориме првата фаза од изградбата на шест пливачки базени, кои ќе го подигнат спортскиот стандард и стандардот на спортистите. Пливањето е базичен спорт и важно е да ги натераме децата уште од најмала возраст да го засакаат пливањето и да се превенираат евентуални деформитети во нивниот раст и развој, но и да дадеме вредност на споротот во нашата држава, изјави директорот на Агенцијата за млади и спорт, Дарко Каевски.

             Со базените ќе управуваат Општините, но ќе се направат и дополнителни консултации со спортските работници, пливачките клубови и со Пливачката федерација за да се најде соодветен механизам за максимална функционалност на овие базени.