На неколку локации во Гевгелија и во населените места, во тек е акцијата

за обнова на детските игралишта што ја реализира ЈПКД „Комуналец“ со поддршка од Oпштина Гевгелија. На детското игралиште на улица „Гоце Делчев“ во Гевгелија се обновени детските играчки. Исто така, ново детско игралиште е уредено и во дворот на подрачното училиште во Мрзенци. Обновено е детското игралиште и во Миравци, а во наредните денови акцијата за обнова и уредување на детски игралишта ќе продолжи во Богородица и во некои други населени места.

 

             Инаку, во текот на минатата година беа уредени или обновени повеќе детски игралишта. Така, во центарот на Гевгелија детското катче беше обновено, проширено,  збогатено со нови играчки и зелена подлога. Поставени се детски играчки и во дворот на Пионерскиот дом, како дел од акцијата за урбано уредување на просторот. Во рамките на акцијата за обновување и уредување на нови детски игралишта на територијата на цела општина, во Давидово беше обновено детското игралиште, во Милетковo, освен обновата на постојното детско катче, во дворот на Училиштето се поставени нови играчки, уредено е детско катче и во училишниот двор во Смоквица, а доопремен е детскиот парк, како и дворот на Детската градинка во Миравци.