Во Гевгелија, во тек е обновата на светилките на

училишните и други игралишта. Дотраените светилки на игралиштето во ООУ „Крсте Мисирков“ се заменети со лед-арматури, а со штедливи светилки ќе бидат заменети и светилките во игралиштето во кругот на ООУ „Владо Кантарџиев“. Исто така, дотраените светилки со штедливи ќе бидат заменети и во комплексот соигралишта кај поранешна Касарна.

             Со акција за замена на дотраените улични светилки со нови лед-светилки ќе биде опфатен и булеварот „Гевгелија“. Од влезот на Гевгелија до кружниот тек ќе бидат поставени 100 нови лед-светилки.

             Инаку, во текот на месец февруари на мрежата од уличното осветлување се извршени 166 интеренции, од кои 104 во Гевгелија, 44 во Миравци, како и во другите населени места. Замената на дотраените со нови светилки се врши континуирано, а паралелно се изведува и акцијата за замена на старите со нови штедливи светилки, кои се многу поефективни.