Министерството за образование и наука го објави Конкурсот за уписи на ученици

во Средните училишта во новата учебна 2020-2021 година. Во Средното општинско училиште „Јосиф Јосифовски“, во прва година ќе се запишат 374 ученика во 11 паралелки според наставните планови и програми.

           

             Според предвидениот број на ученици, во Гимназиското образование ќе се запишат 170 ученика во 5 паралелки, за што ќе бидат потребни минимум 60 поена, во Угостителско-туристичката струка ќе се запишат 102 ученика во 3 паралелки и тоа 34 за хотелско туристички техничар, 34 за келнер и 34 за готвач. Во Машинската струка ќе се запишат 68 ученика во две паралелки, и тоа 34 за машински техничар за моторни возила и 34 за автомеханичар, заварувач. Во Економско-правната и трговската струка ќе се запишат 34 ученика за економски техничар во 1 паралелка.

 

             Со Конкурсот е утврдена можноста за запишување ученици според Наставните планови и Програми за: гимназиско образование, природно-математичко подрачје, општествено-хуманистичко подрачје, јазично-уметничко подрачје, стручно образование (техничко образование - четиригодишно траење, стручно образование за занимање - тригодишно траење и двегодишно траење), средно уметничко образование, средно образование за ученици со посебни образовни потреби и гимназиско образование во Математичко-информатичка гимназија.

 

             Првото пријавување и запишување на учениците се врши на 16 и 17 јуни 2020 година, а ранг-листите со резултатите од запишувањето и слободните места ќе се објават на 18 јуни 2020 година.

Второто пријавување и запишување на учениците ќе се врши на 24 и 25 јуни 2020 година, а резултатите од запишувањето и слободните места ќе се објават на 26 јуни 2020 година.

Третото пријавување и запишување на учениците ќе се врши на 29 јуни 2020 година, а резултатите од запишувањето и слободните места ќе се објават на 30 јуни 2020 година.