Регулацијата на Сува Река ги дава првите резултати
По последните обилни врнежи од дожд, надојдените речни води се слееја
и во Сува Река, кај Гевгелија. Но, за разлика од сликите во ноември 2017 година кога коритото беше преплавено, а водите достигнаа до самиот Железнички мост, овој пат сликата од коритото на Сува Река е многу поразлична. Надојдените речни води не само што се канализирани, туку и немаат воопшто покачен водостој. Тоа е резултат на регулацијата на најкритичниот дел од коритото на Сува Река која се реализира во рамките на проектот „Одржливо управување со водните ресурси во прекуграничниот регион" (AQUA M2), од NTERREG/IPA Програмата за прекугранична соработка со Грција и финансиска поддршка од ЕУ.
Општина Гевгелија, како водечки партнер, проектот го реализира во партнерство со ЈПКД „Комуналец“ - Гевгелија од македонска страна, како и Универзитетот „Аристотел“ во Солун - Сектор за развојни фондови на Катедрата за хемија, Општинските претпријатија за водовод и канализација во општина Пеонија и во општина Халкидона, од грчка страна. За реализација на овој проект на општина Гевгелија и се доделени 516.500 евра, а на ЈПКД „Комуналец“ 127.000 евра за набавка на лабораторија и друга опрема за мерење на квалитетот на водите во реката Вардар.
Околу 80% од проектот во Гевгелија, односно од инфраструктурниот дел кој е најголем, се веќе реализирани, вели градоначалникот на општина Гевгелија, Сашо Поцков. Најкритичниот дел од коритото на Сува Река, во должина од 600 метри, е веќе регулирано, со поставување на каскади за ублажување на притисокот на водата и заштитни ѕидови со гамбиони. Останува да се уреди влезниот дел од коритото, со што завршува првата фаза од реализација на проектот за целосна регулација на коритото на Сува Река.
По барање на сите партнери, Општина Гевгелија поднесе барање до Техничкиот сeкретаријат на ИПА-ППС во Солун за продолжување на рокот за реализација на проектот кое е одобрено и реализацијата на проектот треба да заврши до крајот на декември 2020 година. Но, и покрај тоа проектот, односно регулацијата на коритото на Сува Река во Гевгелија веќе ги дава првите резултати, кои се видливи
