Пред недела дена, започна акцијата

за обновувањето на веќе постоечките детските игралишта во Гевгелија и населените места. Во завршна фаза е доопремувањето детското игралиште што се наоѓа кај Градскиот пазар.

              Заменети се старите реквизити со нови, изработени од еко материјали кои ја гарантираат безбедноста при играњето на децата. Ова детско катче ќе го добие конечниот изглед со поставувањето на клупи за седење, фонтана со вода за пиење и ново осветлување, уредувањето на зелените површини и замената на старите кошеви на кошаркарското игралиште што се наоѓа на истата локација.

              Како што најави градоначалникот на општина Гевгелија, Сашо Поцков, по конечното уредување на ова игралиште, акцијата за обнова на веќе постоечките детски игралишта во Гевгелија и населените места ќе продолжи и во наредниот период.