Во тек се изведбените

активности на улицата „Илинденска“ во населеното место Давидово. Оваа улица на самиот центар во Давидово која води до училиштето, ќе добие нов асфалт. Вчера, „ЕУРО ИНГ“ започна со подготовките, а нанесувањето на асфалтот ќе го врши радовишката фирма „ВЕ ГРУП“.

            Заврши и асфалтирањето на двата паркиинга околу зградите кај Детската градинка „Цветови“, на улицата „Илинденска“ во Гевгелија. Денеска, започнува асфалтирањето на „Индустриска“ во Гевгелија, крај која се наоѓаат повеќето стопански објекти. Со завршувањето на овој зафат, „Индустриска“ ќе биде комплетно реконструирана. Досега, завршени се: изградбата на новата атмосферска канализација за прибирање на атмосферските води, проширувањето на коловозот и уредувањето на тротоарот од јужната страна. 

             Ваквата интензивна акција за одржување и реконструкцијата на постоечката патна инфраструктура започна со цел да се создадат уште подобри услови за живеење на жителите во Гевгелија и населените места.