Нови современи играчки во „Сончогледи“ и „Детска радост“
Во детските градинки
„Сончогледи“ и „Детска радост“ во Гевгелија се поставени нови современи играчки. Исто така, во тек е замена на старите со нови играчки и во сите останати објекти на ЈОУДГ „Детска радост“ во Гевгелија и населените места.
Неодамна, започна акција за подобрување на условите во детските градинки. Во сите објекти се работи на некој зафат како: реконструкција на ѕидовите, молеро-фарбарски работи, подобрување на електро-инсталационата мрежа, обновување на мебелот и сл.
- Овие интензивни зафати започнаа со цел да го зголемиме нивото на конфорот додека децата престојуваат во детските градинки и да придонесеме за уште подобри материјални услови за реализирање и зголемување на квалитетот на педагошките стандарди, истакна директорката на ЈОУДГ „Детска радост“.
