Денеска, градоначалникот

на општина Гевгелија, Сашо Поцков, оствари средба со шесте првенци на генерација: Ива Цицмиловиќ од ООУ „Крсте Мисирков“- Гевгелија, Вања Стојменова од ООУ „Владо Кантарџиев“- Гевгелија, Сандра Шапкарова од ООУ „Ристо Шуклев“- Негорци, Благица Минчева од ООУ „Климент Охридски“- Миравци, Емилија Николовска од ООМУ „Васо Карајанов“- Гевгелија  и Душко Јанев од СОУ „Јосиф Јосифовски“- Гевгелија.

            На средбата со почитување на мерките за заштитна опрема, традиционално Поцков им ги додели решенијата за парични награди, на првенците од основните училишта во паричен износ од 5.000 денари, а на првенецот од СОУ „Јосиф Јосифовски“ паричен износ од 10.000 денари.

            Градоначалникот им посака да се одморат, да соберат нови сили за остварување на нивната цел и да продолжат со успесите во понатамошното образование.