Во основните училишта

во општина Гевгелија се работи на подобрувањето на условите пред почетокот на новата учебна година.

               Во ООУ „Климент Охридски“- Миравци, во тек е реновирање на училишните тоалети. Акцијата опфаќа целосна замена на санитарните јазли и опременост со хигиенски средства, со цел да се зголемат стандардите за хигиена. 

               Во ООУ „Ристо Шуклев“- Негорци, во тек е пренамената на две нефункционални простории, од кои: едната ќе биде наменета за стручна служба, а другата- училница во која ќе се изведува настава. Старата училница се приспособува за дете со посебни потреби- ученик во училиштето, а ќе биде поставена пристапна рампа за непречено движење, со што ќе се создадат услови за олеснето следење на редовниот воспитно-образовен процес. Следи и реконструкција на стариот кров и замена на старите азбесни табли.

               Во Подрачното училиште „Крсте Мисирков“- Моин, во тек е реконструкцијата на кровот, обнова на фасадата и поставување изолација.

               Привршуваат и активностите за партерното уредување на училиштниот двор во ООУ „Владо Кантарџиев“. 

               Инвестирањето во подобрувањето на условите се реализира од сопствените буџети на училиштата.