По серијата активности во 2020 година за подобрување

на условите во детските градинки во Гевгелија, ЈОУ ДГ „Детска радост“- Гевгелија продолжува во инвестирањето кога станува збор за најмалите. Набавени се нови детски креветчиња во клонот во Миравци за децата во јаслената група, нови столчиња во Централната градинка во Гевгелија и нови кујнски апарати во Градинките „Цветови“ и „Сончогледи“ во Гевгелија.
          Минатата година, инвестирањето беше насочено кон повеќе активности за санација, реконструкција и доопремување на шесте градинки. Се реконструираа на старите ѕидови во ЈОУДГ „Детска радост“- Гевгелија. Се изврши замена на стариот и дотраен ламперај оштетен од самата влага, со поставување гипс-картон, а следеше и бојадисувањето на ѕидовите во сите детски градинки. Исто така, се уредија дворните површини и се обновија играчките во детските катчиња.
          По завршувањето на тендерската постапка, се замени мебелот во сите занимални во „Цветови“, а беа набавени и нови гардеробери во „Детска радост“ и „Цветови“. Се реновираа и сите магацински простории, а се работеше и на појачувањето на електричната инсталација во Централната градинка.