Во текот на втората половина од 2020, ФЛОРИТ- Гевгелија

го имплементираше проектот „Избери здраво - купувај локално“, поддржан од страна на Мрежата за рурален развој на Северна Македонија  и  финансиран од “We effect”. Општата  цел на проектот беше овозможување на услови за зголемување на приходите на малите фармери и привлекување на нови фармери преку воведување на иновации во земјоделството и руралниот развој. Ставањето во функција на интернет базираната платформа  https://kupuvajlokalno.mk/  ги поттикна малите производители да ги објават производите и да продаваат онлајн. 

            Во рамки на проектот беа изработени две студии, односно  Студија за утврдување на можностите за воспоставување на локални системи за храна и кратки синџири за снабдување на територијата на ЛАГ Бојмија како и Студија со препораки и можни решенија за постигнување одржливост на воспоставениот краток систем за снабдување со храна на територијата на ЛАГ Бојмија.

            Студиите се објавени и електронски достапни на веб-страните http://bojmija.lag.mk/dokumenti  и https://florit-gevgelija.eu/informativni-materijali/.