По повод, 22 април, Светскиот ден на планетата Земја,

четирите основни училишта од општина Гевгелија: „Владо Кантарџиев“, „Крсте Мисирков“, „Ристо Шуклев“- Негорци и „Климент Охридски“- Миравци ја прифатија иницијативата од Бирото за развој на образованието да учествуваат во одбележување на Денот. Учениците, преку алатката за реализирање онлјан-настава Teams, следеа презентации и одговараа прашања преку квиз. Целта на оваа иницијатива на БРО под мотото „Немаме резервна планета, планетата Земја е наш дом“, е учениците да научат нешто ново за планетата Земја и да им се вроди поттик за реализирање акции, со кои би ја заштитиле животната средина. 

            Инаку, учениците заедно со своите наставници, по повод Денот на планетата Земја, ќе реализираат и воннаставни активности. На тема „Планетата Земја“, ќе се претстават со ликовно-уметнички творби, книжевно творештво и сл.