Непречено се одвива теренската вакцинација против

КОВИД-19 во општина Гевгелија и соседните општини за кои е надлежна Општата болница со проширена дејност- Гевгелија. Досега, почнувајќи од 14 јули, вакцинирани се жителите од населените места: Богородица; Стојаково, Селемлија, Милетково и Миравци. Според податоците од Општата болница со проширена дејност- Гевгелија, со оваа теренска вакцинација се потрошени вкупно 279 дози. Денеска, медицински тим е на терен во  Давидово, Габрово, Петрово.

 

           Во наредните денови, теренската вакцинација ќе се спроведува според следниот распоред:

 

19 jули, 2021: 08:00-09:00 ч.- Кованец; 

                         09:00-13:00 ч.- Негорци;

20 јули, 2021: 08:00-11:00 ч.- Нов Дојран; 

                         11:00-13:00 ч.- Стар Дојран;

21 јули, 2021: 08:00-10:00 ч.- Мрзенци; 

                         10:00-12:00 ч.- Прдејци; 

                         12:00-13:00 ч.- Смоквица;

22 јули, 2021: 08:00-10:00 ч.- Николиќ; 

                         10:00-11:00 ч.- Црничани; 

                         11:00-12:00 ч.- Ѓопчели;

23 јули, 2021: 08:00-10:00 ч.- Фурка;

                         10:00-12:00 ч.- Ѓавото;

26 јули, 2021: 08:00-12:00 ч.- Богданци;

27 јули, 2021: 08:00-10:00 ч.- Моин; 

                         10:00-12:00 ч.- Ново Конско.

 

            Имено, непречено се одвива и имунизацијата против КОВИД-19 на граѓаните кои се пријавиле доброволно, на двата Вакцинални пункта во Општата болница Гевгелија. Во реализирањето активно се вклучени 4 лекари, неколку медицински сестри и практиканти. Директорот на ЈЗУ Општа болница- Гевгелија, д-р Митко Крџев, изрази благодарност до тимот од Црвен крст-ОО Гевгелија за несебичниот ангажман во административниот дел и помагањето на граѓаните во пополнувањето согласности за вакцинирање.