Новиот Градоначалник на Општина Гевгелија ќе се знае по

вториот круг на гласање, на 31 октомври. Имено, во првиот круг од гласањето, според ДИК, од важечките 12.161 гласови кандидидатите: Виктор Петков од Движење „Одлучно за промени“ ЛДП и ДОМ, освои 999 гласа или 7,76%, Андон Сарамандов од ВМРО-ДПМНЕ и Коалицијата „Обнова на Македонија“- 6.064 гласа или 47,11%, Сашо Поцков од Коалицијата „Најдоброто за мојата Општина“ предводена од СДСМ- 4.465 гласа или 34,69%, додека Љупчо Кадиев од ИНТЕГРА- Македонска конзервативна партија- 129 гласа или 1,00%, а Глигор Петков од „ГРУПА ИЗБИРАЧИ- Глигор Петков“ освои 504 гласа или 3,92%,
            Во вториот круг, за функцијата Градоначалник продолжуваат да се борат кандидатите од ВМРО И СДСМ, Андон Сарамандов и Сашо Поцков.
            Во првиот круг од гласањето, избрани се новите членови на Советот на Општина Гевгелија. Од вкупниот број на важечки 12.262 гласа, 556 гласа или 4,32% освои кандидатската советничка листа на ЛДП и Дом, 5.435 или 42,22% - ВМРО-ДПМНЕ, 4.217 или 32,76%, додека ЛЕВИЦА 893 гласа или 6,94%, ИНТЕГРА- 134 или 1,04% и ГРУПА ИЗБИРАЧИ- Томе Ќичуков- 1.027 или 7,98%.
             Според бројот на освоените гласови во идниот Совет на Општина Гевгелија ВМРО-ДПМНЕ ќе има 9 членови, СДСМ 7, а по 1 член во Советот ќе имаат Независната листа на Томе Ќичуков, Левица и Движење „Одлучно за промени“- ЛДП и ДОМ.