Објавен Конкурсот за упис на ученици во прва година средно образование
Министерството за образование и наука го објави
Конкурсот за упис на ученици во јавните средни училишта за учебната 2022/2023 година, средно образование. Согласно наставните планови и програми, во СОУ „Јосиф Јосифовски“- Гевгелија, во учебната 2022/2023 година ќе се запишат 268 ученика во прва година средно образование, распоредени во 10 паралелки, со настава на македонски јазик. Од кои:
- 3 паралелки Гимназиско образование- 102 ученика, 4-годишно образование, 60 поени минимум;
- 1 македонско-француска билингвална паралелка- 34 ученика, 4-годишно образование, 60 поени минимум;
- 2 паралелки со 50 ученика во Угостителско-туристичка струка, од кои 1 паралелка, со 25 ученика, профил Хотело-туристички техничар, 4-годишно образование45 поени минимум и 1 паралелка со 25ученика, профил Келнер и готвач, 3-годишно образование, 45 поени минимум;
- 1 паралелка со 34 ученика, Економско- правна и трговска струка, профил Економски техничар/бизнис, 4-годишно образование, минимум 60 поени;
1 паралелка со 34 ученика, Здравствена струка, профил Гинеколошко-акушерска сестра и физиотерапевски техничар, 4-годишно образование, 70 поени минимум;
2 паралелки со 50 ученика, Машинската струка, од кои 1 паралелка со 25 ученика, профил Машински техничар за моторни возила, 4-годишно образование, 45 поени минимум и 1 паралелка со 25 ученика, профил Автомеханичар- заварувач, 3-годишно образование, минимум 30 поени.
Пријавувањето и запишувањето на учениците ќе се врши во еден уписен рок, со три пријавувања во јуни, 2022 година. Првото пријавување на учениците ќе биде на 14 и 15 јуни, второто пријавување на 21 и 22 јуни 2022, а третото пријавување на 28 јуни 2022.
Повеќе информации за критериумите, потребната документација и начинот на аплицирање на следниов линк: Конкурс за упис на ученици во јавните средни училишта за учебната 2022/2023 година, средно образование.
